احلى واجمل واروع المسجاااات العراقية... توب توب

احبك يابعد عمري واظل بحبك اتباها *** محبتك مو صنع ايدي محبتك الله سواها

لا تهمل اليهواك حاسب ضميرك صدكني يلمحبوب ما عندي غيرك

اظحي بدنيتي لجلك وخلي الغالي يرخصلك واحبك مو على كيفك احبك غصب على اهلك

موبس رساله اهديك ميت قصيده *** وارسلك الدلال بس كول اريده

اطلب وكولن صار تامرني انته *** عمري من اول يوم باسمك رهنته

انت المهم وانت الأهم وانت القضيه والوهم ... حبك قضية دنيتي وانت بعذابي متهم

حلوه كلمت احبك وحلوه كلمت اهواك بس الاحلى تسمع كلمت مستحيل انساك

يمك تريد الروح تسكن وترتاح ::بس وسفه عالحاسوب مايرسل ارواح

أنت أغلى الناس عندي أنت أحلامي الهنيه والله لو تطلب حياتي بيدي أقدمها هديه

تذوب الروح من حبكم وقلبي مسكنه عدكم تظل عيوني مشتاكه تحن وتريد شوفتكم

كلامك يشيل الهم وعطرك ورد ينشم شنو رأيك احطك بكلبي وعلى كيفك توزع الدم

صحيح مانكد سويه ومانشوف بعض يوميه بس انت وسط كلبي يشهد الله عليه

انتَ بالكلب نايم وضلوعي يحرسنك *** عمت عين النبض والروح اذا فد يوم ينسنك

بحلاتج كله تحجي وانا غامرني السكوت *** اخاف من احجي بحلاتج يصعد السكر واموت

راح اخفف من غرامك ما بقت عندي مناعه *** قررت باليوم احبك اربعه وعشرين ساعه

ماعندي للحب باب صدك شلعته *** بالدنية ماحبيت بس انت وانتَ

لجل عين الوطن وعيون هاي الناس ... گتلك صفي گلب حتى نتشارك

اجيتك شايل ابچفي غصن زيتون ... ليش انته مصر اوياي تتعارك

عوف الطائفيه اومنهج التكفير ... كافي اتبيع اخوك اوتهدم اديارك

مو انته الچنت مضرب مثل بالجود ... حاتم بالضيافه اوشايعه اخبارك

حولته مضيفك غرفه للتعذيب ... اوصفه جمر الدلال اغموس خطارك

چان اليعتنيك اتگصله احلى اثياب ... هس اليعت**** ايفصله منشارك

قلعت اعيون اخوك اولله لو ناخيه ... چابيده شلعهه اوجابهه الدارك

شجاك اتغيرت مابين ليله اويوم ... عساهه ابخت كلمن سمم افكارك

اريدآنه اسألك جاوبني بلله ارجوك ... جارك ليش يمك نزل وختارك

لان عنك سأل گالوله طيب ذات ... اشلون اطاك گلبك شيلت جارك

من حمل غراضه اعيونك انته اتشوف ... وتباوع ازغاره اتودع ازغارك

دمع مرته اوبناته الغرگ الوجنات ... يظل طول الحياة ايذكرك ابعارك

حسبالك تأمن من شعلت النار ... هم ترجع عليك اوتاكلك نارك

باچر تنكره والمنك ايعاديك ... وول ما ايبيس بيك مگوارك

كل ساعة كلبي يضيع و أتمرر وياي ... و أتعنة للحلوات وياهن ألكاه

هاياخلك ياناس بس تسمعوني ... اليحب ليش مينام بس انشدوني

اشلونك يبعد الروح وناسي كلهه .. روحي شتهت ملكاك حاير شكلهه

فراك الولف حسرات حسره باثر حسره ... وابيع العمر برخيص بس لا اخسره

لاغنة لا مبجاي ينفع عذابي ... والمخفي هد الحيل ودمر شبابي

انه عيدي رحل لبعيد وايست منه ... منك ايست فد نوب وكطعت ضنه

ضليت اون عليك واشهك بل انفاس ... ومن بعدك الهل يوم ماعاشرت ناس

لاتمشي فوك الكاع امشي على الضلوع..صغير وترف ريان اخاف انك اتموع

انشد ولو ينكال باالنشد ذله .. شتضن حكمه يصير الي يجفي خله

اليطلع يريد يروح ينذب ورا ماي ... بس آنه اذب الروح من يطلع هواي

تـيزاب احـط بلعـين واعميــها بجفـاك ... خـافـن تـصـد للغـيـر وتـنـسى المـضى ويـاك

هم قلق هم وسواس هم كلشي بيه ... ضيم وقهر ياناس مطرن عليه

طگ دمعي بالعباس فاض وتلطلط...بالحضره گام يفوت والبالصحن غط

تدري انه گبل العيد عاشورك وياي ... حلفني بالعباس ماتضحك اشفاي

بالعيد ازف للزين احله التهاني ... واتمنه للخوان احله التماني

يا ما ألك ضحيت حد كَطـــع النفاس ... تالي أبغفلت ألليل تضربني بالفاس

هم وكح هم زغير هم حلو كلش *** خليته بالدلاّل يبني ويفلش

كل ساعه أحسن بيك جنك نبض دم *** تسري أنتَ بالشريان وبكَلبـي تلتم

ادعي الله كون بخير ويحفظك النه ... وتمرنه يوم العيد يا بعد اهلنه

كلما يجينه العيد نتعنه ونجيك ... جي لنك ابن اجواد انه افتخر بيك

عيد اليمر بجفاك ماينحسب عيد ... نلبس اهدوم السود جيه لنك بعيد

حبيتك ووافيت رغم الصعوبات ...شگـد حاولو يأذون بس حُبنا ما مات

لاتضحك اعللحال خليهة سكتة ... من دكَدكَ النقال شلت المخـــدة

لاتنشد اعله الحال حالتي كلفه ... من دكدك النقال شلة المهفه
================================================== ====================
احبك لو تنطبق دنياي هم على هم احبك لو تنزف عيوني بدل الدمع دم

مره اشتريد اتصير لو خابرتني شتخسر عشر سنتات لو طمنتني

نار فراكم بالقلب ماجن
وعليكم زين عندي عقل ماجن
رسايلكم عجب لليوم ماجن
السبب شنهو كطعتوهن عليا

ما اريد منك وعد بس أبقى بگلبك للأبد وحتى لو حبيت غيري ما يحبك مثلي أحد

عالبال انت حبيبي و طيفك ما رحل عني..اشوف التعب والضيم وأنساهم لو بإسمك أغني

أراضيك لو جرحك العالم..أراضيك واضحيلك بعمري...واذا قلبي جرحك بيوم..والله لأشلعه من صدري

لو تحسب النجوم وتعرف عددهم والله وعلي الكرار لا احبك بكدهم
================================================== ====================

علي اظلمت الدنيا والاكوان
بكثر نوحي على اعزازي ولك ون
يشيال النعش ريص ولك وين
دخل نوادعه كبل المنيه

صديقي الماخذ ابشورة وراية
يطعن بالضهر ثاري وراية
علك لافتة بضيجي وراية
وشوفة ابلاخجل يضحك علية

صديكك عل الغدر لايك وراهم
وزين انت شفت غدرك وراهم
اني كبال عيني اسمع وراهم
مامن صرت بجفوف ادية

ياحيف حيل اصباي ضيعته ونا شاب
امر عل نايم وكله اسم الله ونا شاب
اركض للنار اطفيهة ونا شاب
صرت مثل الحكيم العلته خفيه

حبيبي شلون ما حبك ولابيك
ومك ما تحن مثلي ولابيك
عساهن بية لوعاتك ولابيك
وحول كل الم منك الية

يحادي الضعن بالله عليك اني
لما يسمع شريج الروح اني
اريد اصبر واعلم الروح اني
امر من الصبر فركاك اليه

عهدي بيك دوماً منصفنته
وچلماي الزلال ومن صفي انته
وأعرف اللي يحلل من صفنته
يخي أشبيك ماتحسبها اليه

جاري الساكن بسدي وزن جار
وغيره يدگ طبل عنده وزنجار
ذب التاكله العثة وزنجار
ولتجاور بشر هم كاولية

الردية أبتعد عنها وردمنها
يحفرون بغمگ صوبي وردمنها
من أيد الحلو شتطلب وردمنها
لو أطيك ويا الورد ريه

التحبه والتوده دوم مربيه
وانت اللي تريده أيصير مربيه
أبد ماضوگ طعم الحلو مربيه
وتبقى للأبد نفسي ابيه

الگلب عاف البشر گلها والك راد
مشه وسافر وتذكركم والك رد
عرب ما طيبوا علتي ولا أكراد
دواي أنت يالمبعد عليه

يالايم لاتلوم اليوم فضها
أخلاق الذهب راحت وفضها
بكارة ناس بالشينات فضها
الفقر ذبح أشراف البرية

يم شعر الذهب وعيون وسعة
انا لحبك اضل امشي واسعة
يحفار الگبر شوية وسعة
بلجي تكون موتتنة سوية

وحك راس النبي والحسن والحاج
وعلي نكبات دهري ارداف والحاج
شب نارك يشامت كوم والحج
وخلي شما يصير يصير بيه

جاري بجيت ابدم دموع العين جاري
ورماني ابسهم بل الدلال جاري
يصاحب لو تجي وشوف جاري
يهدم الصخر والمرمر عليه

اريد الي احبها تصير جاري
الجرالي ما اظن للناس جاري
ودمع عيني على الوجنات جاري
بذكركم كل صباح وكل مسية

الك بالروح بيرغ هم ورايه
من يوم گمت السو تحاچيهم ورايه
ماهمني المغرض من حچيه ورايه
سعره بسعر الرادولي الأذية

للعراق اندحر ظالم ولاهم
عجبيبة الناس لغيره ولاهم
يارايد للدمار أفرح ولاهم
أعدانا كثرت وصارت وليه

مالن الخوه مو انطيني وهاك مالن
عجب كلبك لحد اليوم مالن
علي شفت الليالي السود مالن
شفتني طحت وتضحك عليه

» القيمة العراقية
» مديرية المرور العامة العراقية الغرامات برابط مباشر